Nalika Loro Dadi Guru Urip: KH Mahmud Ngandharake Makna Ridho marang Qodo’ lan Qadar
"Wektu urip krasa paling abot, ing kono kita sinau ridho marang Qodo’ lan Qadaripun Allah"
Pacitan,JBM.co.id- Pendakwah kondhang KH Mahmud ngaturake tausiyah kang nyentuh ati babagan makna masa-masa angel ing urip manungsa. Miturut panjenengane, saben ujian kang teka sejatiné dudu paukuman, nanging proses pendewasaan iman.
“Wektu urip krasa paling abot, ing kono kita sinau ridho marang Qodo’ lan Qadaripun Allah,” dawuh KH Mahmud kanthi swara teges nanging lembut, Kamis (5/3/2026).
Panjenengane nerangake bilih asringé manungsa rumangsa kuwat nalika kahanan lancar. Nanging nalika cobaan teka, rejeki seret, usaha ambruk, utawa masalah kulawarga, manungsa wiwit nyandhak lan nyandhar marang Gusti Allah. Ing titik iku, iman diuji lan dikuatake.
KH Mahmud ugi ngandharake bilih ridho dudu ateges pasrah tanpa usaha. Ridho iku nampa kanthi legawa apa kang sampun katetepake Allah, nanging tetep ikhtiar lan ndedonga. “Qodo’ lan Qadar iku dudu alesan kanggo nyerah, nanging pangeling supaya kita tansah gumantung lan berharap namung marang Allah,” pitedahipun.
Miturut panjenengane, wong kang saged ridho bakal nemokake tentreming ati. Senajan kahanan durung owah, atiné wis luwih kuat lan ora gampang sambat. Saka kahanan angel kuwi, lair kesabaran, keteguhan, lan pangarep-arep kang luwih jero marang pitulunganipun Allah.
Kanthi tausiyah punika, KH Mahmud ngelingake bilih saben lara lan tangis ing donya iki sejatiné guru kang mulang manungsa supaya luwih cedhak lan luwih percaya marang takdiripun Gusti Allah.(Red/yun).
